O'zbekiston davlat jismoniy tarbiya va sport universitetiga yangi prorektor tayinlandi

Dastlab R.Ermatov universitetda talabalar uchun yaratilgan shart-sharoitlar, 2020/2021 o'quv yili qabul jarayonlari bo'yicha abiturientlar, ularning ota-onalari va fuqarolarni qiziqtirgan savollariga hamda murojaatlariga tez va aniq javob berib borish maqsadida tashkil etilgan konsultaciya xonasi faoliyati hamda Call center xizmati bilan tanishdi.

SHundan keyin O'zbekiston davlat jismoniy tarbiya va sport universitetda navbatdan tashqari yig'ilish o'tkazildi. Unda Jismoniy tarbiya va sport vazirning birinchi o'rinbosari Ermatov Ravshan Sayfutdinovich hamda universitet rahbariyati va professor-o'qituvchilar, xodimlar ishtirok etishdi.

Yig'ilishga raislik qilgan Jismoniy tarbiya va sport vazirning birinchi o'rinbosari Ravshan Ermatov so'nggi yillarda yurtimizda jismoniy tarbiya va sportni ommalashtirishga qaratilgan keng islohotlar amalga oshirilayotganini alohida takidladi. SHu bilan birga universitet rahbariyatida tashkiliy o'zgarishlar yuz berganligi malum qilindi.

O'zbekiston Respublikasi Jismoniy tarbiya va sport vazirining tegishli buyrug'i bilan Axmedov Ikrom Akramovich O'zbekiston davlat jismoniy tarbiya va sport universitetining o'quv ishlari bo'yicha prorektori lavozimiga tayinlandi.

Ikrom Axmedov 1965 yilda Samarqand viloyati Nurota tumani (hozirgi Navoiy viloyati)da tug'ilgan. 1989 yilda Toshkent xalq xo'jaligi instituti institutini (hozirgi Toshkent davlat iqtisodiyot universitetini), tamomlagan.

U mehnat faoliyatini 1989 yilda iqtisodchi lavozimidan boshlab, 1994-1996 yillarda Toshkent davlat iqtisodiyot universiteti aspiranti,

1996-2003 yillarda Toshkent davlat iqtisodiyot universitetining «Marketing va tashqi iqtisodiy faoliyat» kafedrasi katta o'qituvchisi, 2003-2010 yillarda Toshkent davlat iqtisodiyot universitetida dekan muovini,

2011-2018 yillarda Toshkent davlat iqtisodiyot universitetining akademik licey va kasb hunar kollejlari bilan ishlash bo'yicha prorektori lavozimlarida faoliyat olib borgan.

Iqtisodiyot fanlari nomzodi – Ikrom Axmedov shu kungacha O'zbekiston davlat jismoniy tarbiya va sport universitetining «Sportni boshqarish va kasbiy fanlar» fakulteti dekani sifatida ishlab kelayotgandi.