O'zbekiston delegaciyasi yozgi Universiadada ishtirok etish uchun Italiyaga jo'nab ketdi

Kecha tunda delegaciyamiz rasmiy vakillari, tennis va o'q otish sport turlari bo'yicha terma jamoa azolari Islom Karimov nomidagi Toshkent xalqaro aeroportidan musobaqada ishtirok etish uchun jo'nab ketishdi. Boshqa sportchilarimiz ham musobaqa dasturiga asosan Italiyaga yo'l olishadi.

Bu galgi Universiadada 120 ga yaqin davlatdan tashrif buyurgan 9000 nafarga yaqin sportchilar 18 ta sport turi bo'yicha 222 ta medallar jamlanmasi uchun kurash olib boradilar. Ushbu nufuzli musobaqada 42 nafar o'zbekistonlik talabalar engil atletika, dzyudo, taekvondo, badiiy gimnastika, tennis, sport gimnastikasi, o'q otish hamda kamondan otish bo'yicha medallar uchun bahs olib borishadi.

Malumot uchun, kichik Olimpiada deya tariflanadigan Butunjahon talabalar sport o'yinlari yoki Universiada Xalqaro talabalar sporti federaciyasi shafeligida talabalar o'rtasida, Olimpiya ciklidan farqli ravishda har ikki yilda bir marotaba o'tkaziladi. Bahslarda 18 yoshdan 26 yoshgacha (25 yoshdan oshmagan) bo'lgan talabalar ishtirok etishlari mumkin.