O'zbekiston dzyudo federaciyasi raisining murojaati

Hurmatli hamkasblar! Qadrli do'stlar!

O'zbekiston dzyudo federaciyasi nomidan sizlarga sog'lik-salomatlik tilagan holda koronavirus pandemiyasi bo'yicha vaziyat yumshayotganiga umid bildirib qolaman. 

Bunday sinovli kunlarda butun dunyoda bo'lgani kabi bizning mamlakatimizda ham sportchilar, xususan dzyudochilar odatdagi to'laqonli mashg'ulot o'tkazish imkoniyatidan mahrum bo'lib turibdi. Lekin bu holat sportchilarga jismoniy tayyorgarliklariga beetibor bo'lish, sport formalarini ushlab turmaslik uchun bahona bo'lmasligi kerak. Ular g'alabalarga hamisha chanqoq hamda tayyor turmoqlari shart. 

Yuqorida keltirilgan talab va meyorlarni inobatga olgan holda Xalqaro dzyudo federaciyasi dunyo dzyudo hamjamiyati uchun IJF FIT onlayn-platformasini yo'lga qo'ydi. Onlayn-platforma dinamik hamda original fitnes-mashg'ulotlardan iborat bo'lib, jahonning ko'zga ko'ringan dzyudo ustalari tomonidan bajarilgan. Bu orqali ular sayyoramizning barcha dzyudochilarini harakatda bo'lishga, bir-birlari bilan musobaqalashishga chorlashgan, davat etishgan. Saytda peshqadam ishtirokchilarning Reyting jadvali elon qilib boriladi.

Bunday sinovli kunlarda biz birlashishimiz, bir-birimizga bo'lgan hurmat va etiborni amalda namoyish etishimiz kerak. Dzyudo asoschisi Dzigoro Kano aytganidek: "Qiyin damlarda qatiyatli bo'ling, aql bilan ish yuriting va jamiyatni yanada yaxshilashga o'z hissangizni qo'shing". 

Ushbu onlayn-platforma salomatlikni mustahkamlash, jismoniy holatni meyorda ushlab turish, sevimli sport turimizni yanada ommalashtirish hamda ko'zga ko'ringan dzyudochilar bilan yangi formatda uchrashish imkonini beradi. 

Sizlarni yuqorida aytilgan masalalarga amal qilishga hamda yangi loyihaning ommalashishida faol bo'lishga chaqiraman. 

Buning uchun sizga oldindan minnatdorchilik bildiraman. 

Sizlarga sog'liq-salomatlik hamda tezroq to'laqonli sport hayotiga qaytishni tilayman!

Hurmat bilan,

O'zbekiston dzyudo federaciyasi raisi A.Kamilov