O'zbekiston dzyudo federaciyasida "Ochiq eshiklar kuni" o'tkazildi FOTOGALEREYA

Ushbu tadbirni o'tkazishdan ko'zlangan asosiy maqsad olimpiya oilasiga mansub dzyudo yakkakurash sport turini aholining keng qatlami orasida yanada ommalashtirish, dzyudoga befarq bo'lmagan yurtdoshlarimizni mustaqillik yillarida qo'lga kiritilgan yutuqlar hamda terma jamoamiz azolari bilan yaqindan tanishtirishdan iborat edi.         

Tadbir davomida "Ochiq eshiklar kuniga"ga tashrif buyurganlar O'zbekiston, Gruziya, Rossiya, Sloveniya va Tojikiston terma jamoalarining xalqaro o'quv-mashg'ulot yig'inini kuzatish, ular bilan muloqot qilish hamda suratga tushish imkoniyatiga ega bo'ldilar. Terma jamoa bosh murabbiyi, Olimpiada chempioni, uch karra jahon chempioni Ilias Iliadis, terma jamoamiz azolari o'z mahorat saboqlarini namoyish etishdi. Iliadis dzyudo bilan shug'ullanish istagida kelgan bolajonlar bilan birga mashg'ulot o'tkazdi.    

"Ochiq eshiklar kuni" so'nggida marosimga kelgan bolajonlar, shuningdek, dzyudo tadbirlarini yoritishda hamkorlik qilib kelayotgan ommaviy axborot vositalari xodimlariga O'zbekiston dzyudo federaciyasining esdalik sovg'alari topshirildi. Terma jamoamiz dzyudochilari o'z dastxatlari tushirilgan futbolkalarni tashrifchilarga taqdim etishdi.