O'zbekiston gimnastika federaciyasiga yangi rahbar saylandi

Ushbu tadbirda MOQ Bosh kotibi Oybek Kasimov, O'zbekiston gimnastika federaciyasi mutasaddilari, trenerlar va sport jamoatchiligi vakillari ishtirok etishdi.

Konferenciyada “O'zavtosanoat” AJ kompaniyasi boshqaruv rahbari SHavkat Bo'ronovich Umrzoqov nomzodi O'zbekiston gimnastika federaciyasi raisligiga ilgari surildi va konferenciya delegatlari tomonidan bir ovozdan maqullandi. Takidlash joiz, SHavkat Bo'ronovich boshqaruvidagi “O'zavtosanoat” AJ ushbu federaciya uchun begona emas. "O'zavtosanoat" uzoq yillardan beri federaciyaning bosh homiysi sifatida ushbu sport turini mamlakatimizda rivojlantirishda ulkan hissa qo'shib kelmoqda. So'z o'rnida SH.Umrzoqov o'zbek gimnastikasi rivojini yangi bosqichga olib chiqish yo'lida bor kuchini ishga solishini takidladi.

“Avvalo, menga bildirilgan ishonch uchun O'zbekiston gimnastika federaciyasi oilasiga minnatdorchilik bildirmoqchiman. Bu men uchun haqiqatda katta masuliyat. O'zbekiston gimnastika federaciyasi xalqaro maydonda katta shuhrat qozongan. Bunga sportchilarimizning jahon miqyosdagi yirik turnirlarda erishgan muvaffaqiyatlari, Xalqaro gimnastika federaciyasi va Osiyo gimnastika ittifoqi tomonidan o'tkaziladigan seminar va konferenciyalarda muntazam ishtirok etishlari misol bo'la oladi. Bugungi kunda federaciyamiz dunyodagi 162 milliy federaciyalar orasida eng yaxshi 10 tasidan biridir. Biroq oldimizda o'z echimini kutayotgan qator muammolar ham turibdi. Terma jamoalarga, malakali kadrlarga etarlicha etibor berilmagani, moliyalashtirishning to'liq emasligi bois bir qator istiqbolli sportchi va mutaxassislar sevimli ish joylarini tark etishdi. Ushbu lavozimga nomzodimni ilgari surishdan avval o'zbek gimnastikasi tarixini o'rganib chiqdim. Aytishim mumkinki, XX asr davomida qayd etilgan ulkan yutuqlar meni hayratga soldi. O'zbek gimnastikasi eski ananalarini qayta tiklashi, uni jahonning etakchi maktablaridan biriga olib chiqishi kerak, deb o'ylayman. Bu kabi ezgu maqsadlarimizni tezroq amalga oshirish uchun bor kuch-g'ayratimni ishga solishga vada beraman”, – dedi federaciyaning yangi raisi.

SHuningdek, konferenciya davomida federaciyaning bir qator lavozimlariga vakillar tasdiqlab olindi. Unga ko'ra, Ruslan Bulatovich Mustaev federaciya raisining birinchi o'rinbosari, Go'zal Bahodirovna Filippova federaciya bosh kotibi, Galina Vyacheslavovna Isroilbekova direktor sifatida faoliyatini davom ettiradi. Qolaversa, yo'nalishlari bo'yicha murabbiylar shtabi ham tasdiqlab olindi.

Tadbir davomida federaciya faoliyati bilan bog'liq bir qator dolzarb masalalar muhokama qilindi. Federaciya bosh hisobchisining moliyalashtirish va sarf-xarajatlar to'g'risidagi hisoboti tinglandi. SHuningdek, federaciya azolari va murabbiylar ko'tarilgan masalalar bo'yicha o'z fikr va takliflari bilan o'rtoqlashdilar.

Manba: O'zbekiston gimnastika federaciyasi matbuot xizmati