O'zbekiston golf federaciyasiga yangi rahbar saylandi

Unda MOQ prezidenti Rustam SHoabdurahmonov, O'zbekiston golf federaciyasining faxriy raisi Fyodor Kim, Olimpiya sport turlari bo'yicha federaciya va associaciyalar rahbariyati ishtirok etdi. Tadbirni MOQ Bosh kotibi Oybek Kasimov olib bordi va ishtirokchilarni kun tartibidagi masalalar bilan tanishtirdi.

Unga ko'ra, dastavval federaciyaning amaldagi raisi Abdulhamid Latifjonov va 4 nafar rais o'rinbosarlarining o'z xohishlariga ko'ra lavozimlaridan ozod etilishi haqidagi arizalari ko'rib chiqildi. Avvalgi rahbariyatning arizasi qanoatlantirilgach, federaciyaga yangi rahbar va unga o'rinbosarlar saylash, prezidium tarkibini shakllantirish kabi masalalar ko'rib chiqildi.

Kun tartibining keyingi masalasiga o'tilar ekan Oybek Kasimov federaciya raisligiga Tohirov Dilshod Nosirjonovich nomzodini ilgari surdi. Qatnashchilar bir ovozdan ushbu nomzodni maqullashdi va Dilshod Tohirov O'zbekiston golf federaciyasining raisi etib saylandi. SHuningdek, Parpiev Bobur Botirovich federaciya raisining birinchi o'rinbosari, Ugay Aleksandr Fyodorovich hamda Mirzakarimov Sardor Anvarovich rais o'rinbosari lavozimiga saylanishdi.

“Bildirilgan ishonch uchun katta rahmat. Yangi lavozimini bajarish davomida bor kuch-g'ayratimni ishga solishga vada beraman. Nasib qilsa, yangi jamoamiz bilan golf sportini mamlakatimizda yanada ommalashtirish va uning rivojini yangi bosqichga olib chiqish yo'lida birgalikda mehnat qilamiz”, – dedi Dilshod Tohirov.

Tadbir davomida Rustam SHoabdurahmonov va MOQ vice-prezidenti Saken Polatov ham so'z olib, yangi rahbariyatning faoliyatida omad va zafarlar tilab o'tishdi.