O'zbekiston karate milliy federaciyasi selekciya ishlariga jiddiy etibor qaratmoqda

Yaponiya poytaxti Tokioshahri mezbonlik qiladigan  yozgi olimpiya o'yinlarida ishitirok etishni maqsad qilgan   O'zbekiston karate milliy federaciyasi ushbu nufuzli musobaqaga munosib ishtirok etish niyatida tayyorgarlik ishlarini  boshlab yuborgan. Xususan, o'g'il-qizlarimiz o'rtasida karate  sport turini yanada ommalashtirish, iqtidorli sportchi-yoshlarni saralash, qolaversa, murabbiylarning kasb-mahoratini oshirish, viloyatlarda karate sport turini yanada rivojlantirish maqsadida  bir qator ishlarni amalga oshirishmoqda.  O'zbekiston karate milliy federaciyasi taqvim-rejasiga muvofiq o'tkazilayotgan ushbu o'quv-mashg'ulotlar, seminar va selikciya ishlari Qoraqalpog'iston Respublikasi, Toshkent shahri barcha viloyatlarda bir oy mobaynida tashkil etiladi. Dastlab 9 fevraldan boshlangan ushbu say-harakatlarga Surhondaryo viloyati mezbonlik qildi. Surxondaryo viloyati karate milliy federaciyasi bilan hamkorlikda tashkil etilgan ish - rejasiga muvofiq, bolalar va o'smirlar o'rtasida viloyat birinchiligi bellashuvlari o'tkazildi. Termiz shahri mezbonligida o'tgan viloyat birinchiligida g'olib va sovrindor bo'lgan yosh karatechilar murabbiy va mutaxassislar etiborida bo'ldi. Boisi, ushbu musobaqa selekciya vazifasini o'tashi bilan ahamiyatli sanaladi. O'zbekiston karate (WKF) bo'yicha milliy terma jamoaga munosib nomzodlarni  saralash - musobaqadan ko'zlangan asosiy vazifalardan biri edi. Musobaqa doirasida hakamlar uchun o'quv-seminari ham tashkil etildi. Sababi, karate bo'yicha hakamlarimizning xalqaro miqyosdagi musobaqa va turnirlarda ishtirokini ko'proq taminlash hamda bu orqali ham mamlakatimiz nufuzini jahon sport maydonlaridan turib mamlakatimiz sharafini munosib himoya qilishdir. 

Rejaga muvofiq, O'zbekiston karate milliy federaciyasi ishchi guruhi navbatdagi viloyat birinchiligi va selekciya ishlarini amalga oshirish uchun  ertadan Qashqadaryo viloyatida davom ettiradi.

Ayni paytda yurtimizda 20 mingdan ortiq yoshlarimiz karate sport turi bilan muntazam mashg'ulotlarga kirishgan, - deydi O'zbekiston karate milliy federaciyasi raisi o'rinbosari Komiljon Odilov. – Xabaringiz bor, karate sport turi yozgi olimpiya o'yinlari  dasturidan mustahkam o'rin olgan.  karatega bo'lgan etibor va qiziqish natijada yanayam kuchaydi. Xalqaro musobaqalarda ham raqobat  ortgan. O'zbekiston karate milliy federaciyasi raisi Alam Mullaev boshchiligida vazifamiz Tokio-2020 o'yinlariga karate (WKF) bo'yicha yo'llanmalarni qo'lga kiritish va kuchlilar qatorida bo'lishni niyat qilgan holda bor etiborimizni sportchilarimiz orasidan eng iqtidorlilarini saralab terma jamoamizga jalb qilish, o'quv-yig'in mashg'ulotlari, seminarlar o'tkazish kabi ishlarga qaratamiz. SHuningdek, karatechilarimizni Osiyo, jahon chemionatlari, xalqaro turnirlada ishtirokini taminlash  asnosida ularning mahoratlarini oshirib borish va Tokio-2020 o'yinlariga ko'proq sportchilarimiz bilan borib, kuchli uchlikdan joy olish va Vatanimiz sharafani ulug'lash bosh maqsadimiz bo'lib qoladi.

Ilhom RAHMONOV