O'zbekiston karate milliy federaciyasining faoliyati tanqidiy ko'rib chiqildi

Unda Jismoniy tarbiya va sport vazirining birinchi o'rinbosari Ravshan Ermatov, Milliy olimpiya qo'mitasi Bosh kotibi Oybek Kasimov, vazirlikning tegishli boshqarma va bo'lim boshliqlari, O'zbekiston karate milliy federaciyasi rahbariyati, murabbiylar hamda terma jamoa azolari ishtirok etdi.

Yig'ilish keskin va tanqidiy ruhda o'tib, unda so'nggi yillarda O'zbekiston karate milliy federaciyasida sodir bo'lgan o'zgarishlar sportdagi natijalarga ham salbiy tasir ko'rsatgani, oqibatda ayni paytga kelib ushbu olimpiya sport turida vakillarimiz Tokio olimpiadasiga bironta ham yo'llanmani qo'lga kirita olishmagani jiddiy tanqid qilindi.

Sportchilar har qanday sharoitda ham o'z ishiga professional darajada yondashgan holda mashg'ulotlarga jiddiy etibor qaratishi kerakligi, terma jamoa azolari Jismoniy tarbiya va sport vazirligi hamda Milliy olimpiya qo'mitasining doimiy nazoratida ekanligi, hukumatimiz tomonidan jahon arenalarida vatanimiz sharafini himoya qiladigan sportchilarimizga doimiy g'amxo'rlik ko'rsatilishi takidlandi.

SHuningdek, yig'ilishda O'zbekiston karate milliy federaciyasi rahbariyatiga oldinda turgan vazifalarga jiddiy yondashish kerakligi, yaqinda bo'lib o'tadigan O'zbekiston kubogi musobaqasining adolatli va shaffof o'tishini taminlash, terma jamoada raqobatni yanada oshirish, buning uchun selekciya ishlarini kuchaytirish lozimligi uqtirildi.