O'zbekiston qilichbozlik federaciyasida "Ochiq eshiklar kuni" boshlandi

Bu safar navbat O'zbekiston qilichbozlik federaciyasiga.

O'zbekiston Respublikasi Jismoniy tarbiya va sport vazirligi, O'zbekiston qilichbozlik federaciyasi sport va ommaviy jismoniy tarbiya tadbirlarining 2020 yil uchun respublika kalendar rejasiga muvofiq, qilichbozlik bo'yicha O'zbekiston terma jamoasi uchun munosib o'rindoshlarni saralab olish va iqtidorli sportchilarni aniqlash, qilichbozlik sportini yanada ommalashtirish  va rivojlantirish maqsadida, 2020 yil 23-25 dekabr kunlari qilichbozlikning uchta turi (shpaga, rapira, sablya) bo'yicha kattalar orasida "Kuchlilar turniri" o'tkazilinadi.

SHuningdek, muhtaram Prezidentimiz ilgari surayotgan jamiyatimizda sog'lom turmush tarzini keng targ'ib qilish maqsadida O'zbekiston Milliy olimpiya qo'mitasi hamda O'zbekiston qilichbozlik federaciyasi hamkorligida mazkur turnir doirasida sportga qiziquvchi yoshlarni qilichbozlik bilan shug'ullanishga jalb etish maqsadida uch kun davomida "Ochiq eshiklar kuni" bo'lib o'tadi. Tadbir davomida o'zbek qilichbozlik sportining yorqin vakillari ishtirokida qiziqarli uchrashuvlar ko'zda tutilgan. "Kuchlilar turniri" hamda "Ochiq eshiklar kuni" "Paxtakor" sport majmuasidagi qilichbozlik zalida soat 10:00da boshlandi.

Aziz do'stlar, O'zbekiston qilichbozlik federaciyasi barcha qilichbozlik  sporti ihlosmandalarini ushbu ajoyib tadbirga taklif etadi!