O'zbekiston taekvondo associaciyasida onlayn seminar tashkil etildi

Unda MOQ hamda O'zbekiston taekvondo WT associaciyasi rahbariyati, trenerlar va yosh sportchilar qatnashdi.

Onlayn seminarning birinchi qismida tibbiyot fanlari doktori, professor Guli SHayxova “Pandemiya davrida to'g'ri ovqatlanish” mavzusidagi taqdimoti bilan ishtirok etdi. Mutaxassis o'z maruzasi davomida yosh sportchilar uchun to'g'ri ovqatlanish, kun davomida istemol qilishlari lozim bo'lgan vitamin va minerallar miqdori haqida tushuncha berdi. SHuningdek, psixolog Mufiza Xo'ja Nurilla karantin davrida xotirjamlikni ushlab turish, kelajakdagi muvaffaqiyat va g'alabalarga o'zini ruhan tayyorlash mavzularida qimmatli maslahatlarini berdi.

Mutaxassislar maruzasidan keyin yosh taekvondochilarning onlayn mashg'uloti o'tkazildi. Garchi mashg'ulotlar masofadan olib borilayotgan bo'lsa-da, murabbiylar o'z shogirdlarining texnik kamchiliklarini nazorat qilib borishmoqda. Bu esa sportchilarning o'z ustilarida ko'proq ishlashlari uchun samarali vositadir.

Onlayn seminar yakunida O'zbekiston MOQ Prezidenti maslahatchisi Nazirjon Xudoyqulov yosh taekvondochilarga bo'sh vaqtlarida kitob o'qish va xorijiy tillarni o'rganish borasida o'z tavsiyalarini berdi.