O'zbekiston taekvondo terma jamoasi Osiyo o'yinlarini 6 ta medal bilan yakunladi. Turli yillardagi Osiyo o'yinlarida natijalarimiz qanday bo'lgan?

O'zbekiston taekvondo terma jamoasi turnirda jami 6 ta medal ko'lga qiritdi. Bulardan bittasi oltin, bittasi kumush va 4 tasi bronza medallaridir. 

O'zbekiston mustaqil ravishda 1994 yildan beri Osiyo o'yinlarida ishtirok etib keladi. Xirosimada bo'lib o'tgan musobaqada o'zbekistonlik taekvondochilar bitta bronza medalini qo'lga kiritib, umumjamoa hisobida 12-o'rinni egallagan.

1998 yil Bangkok shahridagi bahslarda vakillarimiz medallardan quruq qolgandi. 

2002 yil Janubiy Koreyaning Busan shahrida o'tkazilgan o'yinlarda Xirosimada bo'lgani kabi bitta bronza medali bilan 13-o'rinni band etilgan. 

2006 yil Qatar poytaxti Doha mezbonlik qilgan musobaqadata natijamiz bir muncha yaxshilanib, bitta kumush medalga sazovor bo'lib, 10-pog'onadan o'rin olganmiz. 

2010 yil Pekinda bo'lgan turnirda O'zbekiston 3 ta (bitta kumush, 2 ta bronza) medalga ega chiqib, 8-o'rinni o'ziniki qilgan.  

2014 yil Janubiy Koreyaning Incheon shahrida bo'lib o'tgan kompleks musobaqada 4 ta (bitta oltin, 3 ta kumush) medalga erishib, 6-o'rindan joy olgandik.  

2018 yil Indoneziyaning Jakarta va Palembang shaharlarida o'tkazilgan o'yinlarda taekvondochilarimiz tarixdagi eng yaxshi tanijani qayd etishgan. O'shanda sportchilarimiz 6 ta (1 ta oltin, 3 kumush, 2 ta bronza) medal bilan 4-o'rinni egallagan.

Takidlaganimizdek, Xanchjoudagi Osiyo o'yinlarida taekvondochilarimiz 6 ta medalga ega chiqib, umumjamoa reytingida 4-pog'onani egalladi. Reytingning 1-pog'onasini mezbon Xitoy ( 5 ta oltin, 1 ta kumush, 2 ta bronza), 2-o'rnini taekvondo vatani sanalmish Janubiy (3 ta oltin, 2 ta kumush, 2 ta bronza), kuchli uchlikka esa Tailand (2 ta oltin, 2 ta bronza) yakun yasadi. 

Turnirda medal qo'lga kiritgan taekvondochilarimiz ro'yxati: 

Oltin: 

-68 kg: Ulug'bek Rashitov

Kumush: 

-67 kg: Feruza Sodiqova 

Bronza: 

-49 kg: Madinabonu Mannopova

-53 kg: CHaros Qayumova 

+67 kg: Svetlana Osipova

mikst terma jamoamiz.