O'zbekiston taekvondo WT associaciyasida “Ochiq eshiklar” kuni o'tkazildi

Havaskorlar, o'smirlar maktab o'quvchilari va ota-onalar uchun tashkil etilgan mazkur tadbir avvalida muxlislar shu kunga qadar taekvondochilarimizning Jahon va Osiyo chempionatlari turli nufuzli xalqaro musobaqalarda qo'lga kiritilgan yutuqlardan so'zlaguvchi eksponatlar bilan yaqindan tanishish imkoniyatiga ega bo'ldilar. So'ngra mamlakatimiz terma jamoa azolari ularga mahorat saboqlarini o'tkazishdi. 

Bundan tashqari taekvondoga mehr qo'ygan o'smirlar va qizlar uchun o'ziga xos savol-javob viktorinasi hamda bolajonlar uchun dastlabki mashg'ulotlarni Jahon chempioni Dmitriy SHokin o'tkazdi. Ochik eshiklar kuni doirasida ota-onalar ayni kunlarda o'smirlar va kadetlar o'rtasida o'tayotgan mamlakat chempionati ish jarayoni, bahslar va hayajonli lahzalarga guvoh bo'lishdi. 

Bir so'z bilan aytganda taekvondo bo'yicha associaciya tomonidan tashkil etilgan “Ochiq eshiklar” kuni muxlislarda, yosh bolajonlarda katta qiziqish uyg'otgani tabbiy va shunday tadbirlar endilikda viloyat bo'limlarida ham tashkil etiladi. Malumot o'rnida aytish kerak bugungi kunda 20000ga yaqin havaskorlar taekvondo WT bilan shug'ullanib kelishadi.

O'zbekiston taekvondo WT associaciyasi matbuot xizmati