O'zbekiston Triatlon Federaciyasi vakillari Xalqaro Triatlon Ittifoqining har yillik Kongressida ishtirok etdilar

Tomonlar hamkorlikning bugungi holati va istiqbollarini muhokama qildilar. Marisol Kasado O'zbekistonda professional va havaskor triatlonni rivojlantirish uchun ITU tomonidan har tomonlama yordam ko'rsatishga tayyorligini bildirdi. ITU prezidenti triatlon uchun mavjud infratuzilma bilan tanishish, shuningdek, O'zbekistonda uzoq muddatli triatlonni rivojlantirish dasturini ishlab chiqish istiqbollarini o'rganish uchun O'zbekistonga tashrif buyurishga tayyorligini takidladi.

Kongressda tashkilotga azo 73 davlatdan federaciya va uyushma vakillari yig'ildi. Kun tartibida tashkilot faoliyatini qayta ko'rib chiqish va 2020 yilda triatlon va paratriatlon musobaqalarini o'tkazish rejasi, shuningdek ITUning kelgusi yilda milliy federaciyalarni qo'llab-quvvatlash dasturi muhokamada bo'ldi.

Xalqaro Olimpiya Qo'mitasi (XOQ) prezidenti Tomas Bax ham kongressda ishtirok etib, ITUning zamonaviy yondashuvlari va Olimpiya qadriyatlariga sodiqligiga ijobiy baho berishini bildirdi. «ITU etakchi xalqaro federaciyalardan biri bo'lib, u 2020 yilda bo'ladigan Olimpiya o'yinlariga eng qizg'in tayyorgarlik ko'rmoqda», – dedi Tomas Bax Kongressdagi nutqida. – Xalqaro Olimpiya Qo'mitasi ITU bilan yaqin hamkorlik qilishdan faxrlanadi va Ittifoq rahbariyati va jamoasi ishini, shuningdek gender tengligi sohasidagi tashabbuslarni yuqori baholaydi.

ITU prezidenti Marisol Kasado o'z nutqida shunday dedi: «Biz triatlonni rivojlantirishga, sportchilarimiz, ommaviy axborot vositalari va tomoshabinlar uchun tadbirlarimizni yanada jozibali va qiziqarli qilishga, shuningdek, yaqin kelajakda yanada muvaffaqiyatli bo'lishga imkon beradigan yangi yondashuvga alohida etibor qaratmoqdamiz».

Bundan tashqari, ushbu tadbir davomida Osiyo Triatlon Konfederaciyasi (ASTC) ishtirokchilarining uchrashuvi bo'lib o'tdi, unda ASTC rahbari Jastin Sukvon O'zbekiston Triatlon Federaciyasini ASTCga azo mamlakatlarning barcha milliy federaciyalariga rasman tanishtirdi. Ular konfederaciyaning kelgusi yilga rejalari, Osiyo kubogi musobaqalarini, shu jumladan O'zbekistonda o'tkazish imkoniyatlarini muhokama qildilar.

Takidlash joizki, shu kunlarda Lozanna shahrida ITU Grand Final musobaqalari bo'lib o'tdi, unga 4000 dan ortiq sportchilar va milliy federaciyalar vakillari tashrif buyurishdi. Triatlon olamining eng asosiy voqeasida o'zbekistonlik triatlonchi ham qatnashdi va O'zbekiston Triatlon Federaciyasi vakillari ITUga azo mamlakatlarning milliy jamoalari qatorida ochilish marosimidagi davlatlar paradida ishtirok etdi.

O'zbekiston Triatlon Federaciyasi Matbuot xizmati