O'zbekiston triatlonchilari o'quv-mashg'ulot yig'inlarini o'tkazdilar

O'zbekiston Triatlon federaciyasi murabbiyi Viktor Zemcev boshchiligida triatlonchilar bo'lajak musobaqalarda ishtirok etishdan oldin maxsus tayyorgarlik dasturi bo'yicha shug'ullandilar.

Takidlash joizki, balandlikdagi mashg'ulotlar muhim startlar oldidan o'quv dasturlarining kerakli qismidir. Sentyabr oyida sportchilar Aqaba shahrida (Iordaniya, 26-27 sentyabr) hamda 29 sentyabr kuni Samarqandda bo'lib o'tadigan O'zbekiston kubogining final bosqichida ishtirok etishlari kutilmoqda.

Font Romeu - Pireneydagi eng qadimgi va eng mashhur tosh shaharlardan biri. Font Romeu balandlikdagi milliy o'quv markazi (dengiz sathidan 1850 metr balandlikda) 1967 yilda sportchilarga Meksikadagi Olimpiya o'yinlariga tayyorgarlik ko'rish uchun o'quv-mashg'ulot yig'inlarini o'tkazish maqsadida ochilgan.

Har yili ushbu markazda jahon darajasidagi sportchilar, shuningdek xalqaro sport federaciyalari o'z mashg'ulotlarini o'tkazadilar.

Yana bir etiborli tomoni shundaki, velosiped mashg'ulotlaridan birida to'rt karra jahon chempioni va ikki karra Olimpiya chempioni Alistair Braunli o'zbekistonlik triatlonchi, xalqaro toifadagi sport ustasi, Osiyo kubogi sohibi SHoxrux Yunusovga yordam berdi. Bu haqida SHohruh Yunusov o'zining Instagramdagi sahifasida xabar berdi.

"Alistair Braunli, mening shinalarim teshilishidan qutqarganingiz uchun rahmat. Siz qiyin ahvolda bo'lganimda menga yordam berdingiz, chunki menda shinani pompalash uchun nasos yo'q edi. Menga yordam berganingiz uchun tashakkur. Hurmatli Alistair, sizga ulkan respekt! Sizga faqat g'alabali startlarni tilayman!” – deb yozadi triatleti SHohrux Yunusov.

Alistair Braunli – britaniyalik triatlet, 2012 va 2016 yillar Olimpiya chempioni, umumiy hisobda 2009 va 2011 yillar jahon chempioni. Alistair ketma-ket ikkita Olimpiada yutgan birinchi triatlet hisoblanadi.

SHuningdek takidlab o'tish joiz, 2016 yilda triatlon bo'yicha Jahon ceriyasining finalida Alistair Braunli akasiga marraga yugurishda yordam bergan. Poyga paytida uning ukasi Jonatan Braunli marraga etakchilik qilayotgan paytda, to'satdan o'zini yomon his qilgan va yo'lakdan chiqib ketishiga oz qolgan. Alistairning o'zi uchinchi bo'lib kelayotgan edi. U nafaqat Jonatanga marraga etib olishga yordam berdi, balki uni marraga birinchiroq etakladi, natijada u ikkinchi o'rinni egalladi. Alistairning o'zi esa uchinchi bo'ldi. Ushbu voqeaning videosi ijtimoiy tarmoqlarda keng tarqalib, millionlab tomoshabinlarda tasirli his-tuyg'ularga sabab bo'lgan.

O'zbekiston Triatlon Federaciyasi Matbuot xizmati