O'zbekiston va Qirg'iziston terma jamoalarining qo'shma mashg'uloti yakunlandi + FOTO

Unda O'zbekiston va qo'shni Qirg'iziston ayollar terma jamoalari ishtirok etdi. Har ikki jamoa tarkibidan o'smirlar, yoshlar va kattalar joy olgandi, yani aralash tarkib 21 kunlik yig'inda qatnashdi. 

Qirg'iziston terma jamoasi bosh murabbiyi Usen Riskulov ushbu yig'inga 14 nafar kurashchi-qizlarni olib kelgandi. Murabbiyning aytishicha, "Yangiobod"dagi yig'in uning jamoasi uchun har tomonla foydali bo'lgan.

"Bu erda kuchli jamoa bilan birgalikda o'quv-mashg'ulot yig'inini o'tkazdik. Biz uchun samarali va shu bilan birga foydali mashg'ulotlar bo'ldi. Yigirma bir kun davomida jismoniy tayyorgarlik mashg'ulotlari bilan birga sparring-bellashuvlarga ham etibor qaratdik. Toshkent viloyatidagi yig'in mart oyida Xitoyda o'tkaziladigan licenzion turnirga tayyorgarlik bosqich vazifasini o'tab berdi", - deydi Qirg'iziston terma jamoasi bosh murabbiyi Usen Risqulov.