O'zbekiston va Qozog'iston o'rtasida hamkorlik Memorandumi imzolandi

Ushbu turnirda bir necha nafar qozog'istonlik bokschilar ham ringga ko'tarilishadi. Qozog'iston delegaciyasiga mamlakat professional boks komissiyasi prezidenti Arman Mo'minov rahbarlik qilmoqda. 

Rejaga asosan poytaxtimizdagi "Frankfurt" mehmonxonasida ikki mamlakat professional boks tashkilotlari rahbarlari uchrashishdi va o'zaro hamkorlik Memorandumiga imzo chekishdi. O'zbekiston professional boks federaciyasi raisi Umid Yakubov ushbu hujjat har ikki davlat professional boksi rivoji va istiqboli uchun xizmat qilishini alohida takidladi. 

O'z o'rnida Arman Mo'minov ikki tomon barcha yo'nalishlarda keng qamrovli ishlarni amalga oshirishi, birgalikda prof boks turnirlarini tashkil etish, hakamlar va murabbiylarni tayyorlash kabi masalalarda hamkorlik qilishini urg'uladi.