O'zbekiston va Rossiya hamkorligi yuzasidan Memorandum imzolandi

Tadbirda O'zbekiston suzish federaciyasi birinchi vice-prezidenti Saidaxrol G'ulomov, federaciya vice-prezidenti SHuhrat Sattorov hamda Bosh kotib Alisher G'aniev, shuningdek, Rossiya suv polosi federaciyasi birinchi vice-prezidenti Evgeniy SHaronov ishtirok etishdi.

Imzolangan xujjatga ko'ra, endilikda har ikki davlat suzish federaciyalari hamkorlikda olimpiya o'yinlari dasturidan o'rin olgan sportning ushbu turini yanada rivojlantirish maqsadida har ikki tomonga manfaatli bo'lgan istiqbolli loyihalar ishlab chiqiladi va amaliyotga tadbiq etiladi.

Memorandum imzolash marosimida, shuningdek, suv polosi bo'yicha EvroOsiyo ligasini tashkil etish va unda O'zbekiston jamoalarini ishtirokiga oid masala ham muhokama qilindi.

Tadbirda Rossiya suv polosi federaciyasi birinchi vice-prezidenti Evgeniy SHaronov so'zga chiqib, mamlakatimizda sportga, xususan, suv polosini rivojlantirishga qaratilayotgan etiborni yuqori baholadi va o'zaro hamkorlik rishtalarini kengaytirish maqsadida imzolangan memorandum, har ikki davlatda suv polosini yanada taraqqiy etishiga xizmat qilajagini mamnuniyat bilan takidladi.

Memorandum imzolash marosimi so'ngida Evgeniy SHaronovga O'zbekiston suzish federaciyasining esdalik sovg'alari topshirildi.