O'zbekiston velosiped sporti federaciyasi Makgregor bilan kelishib oldi

Kecha musobaqa g'oliblarini taqdirlash marosimi ko'tarinki ruhda o'tkazilib, unda O'zbekiston velosiped sporti federaciyasining doimiy hamkorlaridan biri – Evropada xavfsizlik va hamkorlik tashkiloti (EXHT)ning O'zbekistondagi elchisi Jon Makgregor ham ishtirok etdi.

Taqdirlash marosimida yuqori martabali mehmon tomonidan O'zbekiston velosiped sporti federaciyasiga 40 ta zamonaviy velosiped taqdim etildi.

Malumot uchun: yangi velosipedlarning 30 tasi velotrek o'quv-mashg'ulotlar bazasiga, yana 10tasi federaciyaning Namangan viloyati bo'limiga topshiriladi.

Tadbirda so'zga chiqqan Jon Makgregor mamlakatimizda jismoniy tarbiya va sport, xususan ommaviy sport targ'ibotiga shaxsan O'zbekiston Respublikasi Prezidenti SHavkat Mirziyoev boshchiligida jiddiy etibor qaratilayotganligini alohida takidlab, mazkur jarayonda Evropada xavfsizlik va hamkorlik tashkiloti amaliy hamkorlikka tayyorligini bildirdi.