O'zbekiston - Vengriya 4:2! Kambek evaziga mezbonlar mag'lub etildi

Xabar berganimizdek, bugungi dasturdan jamoaviy bellashuvlar o'rin olgan va hozirgina yakuniga etgan dramatik bahsda O'zbekiston terma jamoasi mezbonlar - vengriyalik dzyudochilarni 4:2 hisobida mag'lubiyatga uchratishdi.

Muzaffarbek To'raboev va Irisxon Qurbonboevaning mag'lubiyatidan so'ng 0:2 hisobida yutqazayotgan jamoamizga Obidxon Nomonov, SHukurjon Aminova hamda Gulnoza Matniyazova ketma-ket uchta g'alabani taqdim etishdi. So'nggi oltinchi uchrashuvda SHermuhammad Jandriev umumiy g'alabamizni taminladi: O'zbekiston - Vengriya - 4:2!

Endi terma jamoamiz yarim final yo'llanmasi uchun ayni daqiqalarda davom etayotgan Braziliya - Qozog'iston terma jamoalari uchrashuvi g'olibiga qarshi tatamiga chiqadi.