O'zbekistonda hakamlik faoliyatini rivojlantirish yo'lida navbatdagi qadam tashlandi

 Ushbu loyiha doirasida o'tgan yilning dekabr oyida Toshkent shahrida IBAning ko'zga ko'ringan instruktorlari, tajribali referilari ishtirokida seminarlar tashkil etilgandi. 

Mazkur loyihaning davomi sifatida viloyatlarda ham O'zbekiston boks federaciyasi mutaxassislari tomonidan seminarlar tashkil etilmoqda. SHu kunlarda Namangan shahrida vodiy viloyatlari, shu jumladan Farg'ona, Namangan, Andijon viloyatlari hamda Toshkent shahridan hakamlikka 50 nafardan ortiq nomzod uchun seminar bo'lib o'tmoqda. 

Seminar O'zbekiston boks federaciyasi hakamlar hayyati raisi Bekjon Yusupov, O'zbekiston boks federaciyasi ijrochi direktori SHohid Tillaboev, federaciya mutaxassisi Mirsolih Sagatov tomonidan tashkil etilgan. 

Ushbu seminar 11-14 avgust kunlariga mo'ljallangan. Seminar dasturidan nazariy va amaliy darslar o'rin olgan. Dastlabki ikki kunda nazariy mashg'ulotlar o'tkazilsa, yana ikki kun amaliy mashg'ulotlarga bag'ishlanadi. Qayd etish lozimki, amaliy mashg'ulotlar shu kunlarda Namangan mezbonlik qilayotgan yoshlar o'rtasidagi O'zbekiston kubogi doirasida o'tkaziladi. Seminar yakunida o'tilgan mavzular yuzasidan imtihon ham tashkil etiladi va sinovlardan muvaffaqiyatli o'tganlar uchun maxsus sertifikatlar taqdim etiladi. 

Bunday seminarlarning keyingisi Voha viloyatlari bo'ylab tashkil etilishi rejalashtirilgan. 

O'zbekiston boks federaciyasi ushbu loyiha orqali mamlakatimizda tashkil etiladigan viloyat birinchiliklari, O'zbekiston chempionatlari va kuboklari uchun yaxshi saviyadagi hakamlar etkazib berish, ularning saviyasini ko'tarish va federaciya qoshidagi hakamlik korpusini mustahkamlashni o'z oldiga maqsad qilib qo'ygan.