O'zbekistonda IJFning “Maktablarda dzyudo dasturi” amalda. Ko'zguda Toshkent shahri!

SHu jumladan, O'zbekistonda ham bu loyiha amaliyotga tadbiq etilgan. 

Yodingizda bo'lsa, “Maktablarda dzyudo dasturi” rahbari Ester SHtam shu yil Toshkent Gran-prisi chog'ida yurtimizga tashrif buyurgan va O'zbekiston xalq talimi vaziri SHerzod SHermatov bilan uchrashgan edi. 

Ayni paytda mamlakatimizning 20 ta o'rta talim maktabida dzyudo qo'shimcha mashg'ulot sifatida o'rgatilmoqda. O'zbekiston dzyudo federaciyasi tomonidan ushbu maktablarga tatami va boshqa zarur inventarlar etkazib berilgan. 

Xalqaro dzyudo federaciyasi Xalq talimi vazirligi bilan hamkorlikda dzyudo o'rgatilayotgan maktablar sonini oshirishni maqsad qilgan va bu reja bosqichma-bosqich amalga oshirib boriladi.  

Etiboringizga bugungi kunda Toshkent shahridagi 29-maktab qoshida faoliyat yuritayotgan dzyudo to'garagidagi mashg'ulotlar aks etgan suratlarni havola qilamiz. Bu erda istedodli murabbiy Otamurod Husanov bolajonlarga dzyudo sir-asrorlarini o'rgatyapti.