O'zbekistonlik bokschi licenzion turnirda Ozarbayjon tarkibida ishtirok etmoqda

Ushbu turnirda o'zbekistonlik bokschi qiz - Marjona Savrieva Ozarbayjon terma jamoasi safida ishtirok etmoqda. U bugun 50 kg.gacha bo'lgan vazn toifasidagi bahslarning 1/16 finalida iordaniyalik Hanan Nassarga qarshi ringga chiqadi. 

Ayni paytda boks bo'yicha Ozarbayjon erkaklar terma jamoasida o'zbekistonlik mutaxassis Ravshan Xodjaev ham murabbiy sifatida faoliyat olib borayotganini takidlash lozim. SHuningdek, yana bir bokschimiz Saidjamshid Jafarov ham licenzion turnirlarda ushbu mamlakat sharafini himoya qilishi mumkinligi haqida mish-mishlar tarqalgan edi, biroq bu amalga oshmadi.

Malumot uchun, Marjona Savrieva O'zbekiston ayollar terma jamoasi safida "Elorda kubogi" va boshqa xalqaro musobaqalar, shuningdek, mamlakat birinchiligida sovrindor bo'lgan. 2022 yilgi O'zbekiston chempionatida -48 kg vazn toifasida bronza medalini qo'lga kiritgan. SHu yilning yanvar oyida Serbiyadagi turnirda Ozarbayjon tarkibida qatnashib, saralash bosqichida hamyurtimiz Feruza Kazakovaga yutqazgandi. Feruza yakunda ushbu turnir chempioniga aylangan edi.