O'zbekistonlik bokschi Qozog'istonda bo'ladigan boks kechasining co main event'ida Eleusinovga qarshi jang qiladi

Qozog'istonlik bokschi Dauren Eleusinov (10-2-1) 21 mart kuni Olma-Ota shahrida o'zbekistonlik Baxrom Payazovga (22-16) qarshi jang o'tkazadi, deya xabar bermoqda Sports.kz nashri.

Eleusinov so'nggi jangini AQSHda Junior Yunanga (17-0-1) qarshi o'tkazib, mag'lub bo'lgan edi. 37 yoshli o'zbekistonlik Bahrom Payazov esa ohirgi oltita jangida g'alabasiz seriya qayd etmoqda. U so'nggi jangini 2022 yil fevral oyida Abdulaziz Abdupattaevga qarshi o'tkazib, mag'lub bo'lgan edi.

Eslatib o'tamiz, 21 mart kuni bo'lib o'tadigan boks oqshomining asosiy jangida yana bir qozog'istonlik bokschi — Jankosh Turarov chempionlik kamari uchun jang qiladi.