16 mar 13:57
Yangiliklar

Boks/MMA

O'zbekistonlik "CHimaev" Naiza 58 turnirida jang o'tkazdi

Qozog'istonning Almati shahrida aralash yakkakurash bo'yicha Naiza 58 turniri bo'lib o'tdi.

Uning doirasida bir necha o'zbekistonlik jangchilar ham oktagonga ko'tarilishdi. Prelim karddan o'rin olgan to'rtinchi jangda yarimo'rta vazn toifasidagi hamyurtimiz Jasurbek Jo'raev germaniyalik Adam Jaudat El-Faranga qarshi oktagonga chiqdi.

"CHimaev" laqabli vakilimiz uch raundlik jangning birinchi raundidayoq mag'lubiyat alamini totib ko'rdi. El-Farana texnik nokaut evaziga faoliyatidagi ikkinchi g'alabasini qo'lga kiritdi. Jo'raev esa prof-MMAdagi ikkinchi jangida ilk mag'lubiyatini qabul qilib oldi.