O'zbekistonlik MMAchi navbatdagi jangi uchun taniqli UFC jangchisi bilan shug'ullanmoqda + FOTO

Avval xabar berganimizdek, yarim o'rta vazn toifasidagi aralash yakka kurash ustasi Mirafzal Ahtamov (6-0-1) 24 fevral kuni AQSHning Nyu-York shtatida joylashgan "Niagara Event Center" majmuasida o'tkaziladigan LFA 177 turnirida oktagonga chiqadi. Hamyurtimizga bu turnirda braziliyalik Diego Byankini (8-1-0) raqiblik qiladi.

Ahtamov mazkur jangga tayyorgarlik ko'rish maqsadida AQSHga etib bordi. U bo'lajak jangiga qirg'izistonlik Busurmankul Abdibait Uluu hamda amerikalik UFC sobiq jangchisi Kevin Li bilan mashg'ulot olib bormoqda.