O'zbekistonlik murabbiy Yaponiyadagi nufuzli seminarda ishtirok etyapti FOTOGALEREYA

Bir oyga mo'ljallangan ushbu seminarda Xitoy, Saudiya Arabistoni, Pokiston, Myanma, Isroil, Suriya va O'zbekistondan taklif etilgan murabbiylar ishtirok etishyapti hamda o'z tajribalarini oshirishmoqda. 

Yurtimizdan mazkur seminarga istedodli murabbiy Muhammad Behzod Baxtiyorov taklif etilgan. Seminarga Olimpiada chempioni, Yaponiya terma jamoasi murabbiyi Kosey Inoue boshchilik qilyapti. 

Bir oylik seminar yakunida murabbiylarga Yaponiyada malakasini oshirganligi haqidagi tegishli diplom, sertifikat va guvohnoma topshiriladi. Murabbiylar o'z yurtlariga qaytganlaridan so'ng Kunchiqar mamlakatda o'rgangan bilimlarini seminar tariqasida yosh hamkasblari hamda hakamlarga o'tishadi.      

Malumot uchun, Tokioda boshlangan xalqaro murabbiylik seminari ayni kunlarda poytaxtdan 50 km uzoqlikda joylashgan Kanagava shahrida davom etmoqda. SHundan so'ng murabbiylar 22-24 noyabr kunlari Yaponiyaning Osaka shahrida o'tkaziladigan “Katta Dubulg'a” turkumiga kiruvchi nufuzli turnirni tomosha qilishadi.