O'zbekistonlik shinkiokushinkay karatechilar Markaziy Osiyoda birinchi bo'lishdi

Markaziy Osiyo davlatlaridan kelgan 300 nafarga yaqin shinkiokushinkay karatechilar bir nechta yosh va vazn toifalarida g'oliblik uchun tatamiga chiqishdi. Xalqaro musobaqada yurtimiz sharafini Mutal Nazarov boshchiligidagi NURHAS karate markazi tarbiyalanuvchilari himoya qilishdi. 

Karatechilarimiz 10 ta oltin, 3 ta kumush medallari bilan umumjamoa hisobida Markaziy Osiyo davlatlari o'rtasida birinchi o'rinni egallashdi. Ruxshona Hamroeva, Muhammadali Nazarov, Muhammadsodiq Bekulbekov, Oleg Magdyuk, Temur Erkinov, Madina Ro'zimova, Saida Risqulova, Laylo Davronova, Odilbek Olimboev va Dostonbek SHaripov o'z vazn toifalarida oltin medallarni qo'lga kiritishdi.  

Uch nafar sportchimiz - Ozodbek Abduraupov, Abdulfayz Anvarov va Muhammad Amin Sultonov kumush medallarni qo'lga kiritishdi.

Endi Hasan Nazarov boshchiligida O'zbekiston SHinkiokushinkay karate markazi "NUR-HAS" tarbiyalanuvchilari 27-29 iyun kunlari Qozog'iston poytaxtida 30 ga yaqin davlat sportchilari o'rtasida o'tkaziladigan Astana Open-2025 turnirida ishtirok etishadi. 

SHuningdek, 1-3 iyul kunlari Vengriya davlatining Solnok shahrida o'smirlar, yoshlar, kattalar va faxriylar o'rtasida o'tkaziladigan jahon chempionatida ham Mutal Nazarov boshchiligida karatechilarimiz yurtimiz sharafini himoya qilishadi.  

14-23 iyul kunlari esa poytaxtimizda xalqaro seminar o'tkazilishi rejalashtirilgan. Unda Qozog'istondan kelgan murabbiy va sportchilar xalqaro tajribalarini oshirib olishadi.