O'zDJTSU talabalari “Adiblar xiyoboni” va "G'alaba bog'i" da bo'lishdi

Xususan, vazirlikning joriy yil yanvar oyiga mo'ljallangan manaviy-marifiy targ'ibot tadbirlari rejasiga asosan O'zbekiston davlat jismoniy tarbiya va sport universiteti talabalarining Toshkent shahridagi “Adiblar xiyoboni” va “G'alaba bog'i”ga tashrifi uyushtirilib, tanishtiruv tadbirlari tashkil etilmoqda. 

Hozirgacha mazkur tadbirlarda universitetning Futbol va qishki sport turlari, Yakkakurash sport turlari, Ko'pkurash sport turlari, Sport o'yinlari va Sportni boshqarish va kasbiy fanlar fakultetlarining talabalari va professor-o'qituvchilari ishtirok etishdi.

O'zbek tili va adabiyotining rivojiga ulkan hissa qo'shgan xalqimizning buyuk shoir va yozuvchilari haykallari o'rnatilgan aziz maskan - Adiblar xiyobonida o'tkazilgan manaviy targ'ibot tadbirlari talabalarda o'zgacha taassurot qoldirmoqda.  

Universitet talabalari ishtirokidagi “Adiblar xiyoboni” va “G'alaba bog'i”da tashkil etilayotgan manaviy-marifiy targ'ibot tadbirlari fevral oyiga qadar davom etadi.

Ilhom RAHMONOV tayyorladi