Ozodbek Jahon chempionligi uchun gilamga chiqadi, yana ikki kurashchimizda bronza uchun imkoniyat bor

Bugun jahon chempionatining so'nggi kuni yunon-rum kurashi bahslarida g'olib va sovrindorlar nomi malum bo'ladi. Bugun Olimjon Qurbonov va Baxtiyor Sayfiev murabbiyligidagi 3 nafar klassigimiz jahon chempionati medallari uchun gilamga chiqadi.

Quvonarlisi, kechagi saralash bellashuvlarida muvaffaqiyatli ishtirok etgan Ozodbek Xalimboev final yo'llanmasini qo'lga kiritdi. 45 kg vazn toifasidagi kurashchimiz 1/8 finalda isroillik Amare Feteneni 7-0, 1/4 finalda armanistonlik Levon Martirosyanni 6-0, 1/2 finalda esa gruziyalik Anri Xozrevanidzeni 11-0 hisobida dog'da qoldirdi. Bugun u jahon chempionatining oltin medali uchun ukrainalik Nikita Dementevga qarshi gilamga chiqadi. 

60 kg vazndagi kurashchimiz Azizbek Yo'ldoshev bronza medali yo'lidagi o'tish bellashuvida rossiyalik Abdulla Salimov, 92 kg vazn toifasidagi Javlon Tirkashev esa Vishal Vishal (Hindiston) - Aktan Sazikbaev (Qirg'iziston) bahsi g'olibi bilan uchrashadi. Tirkashev bo'lajak raqibini mag'lub eta olsa, bronza medali uchun rossiyalik Timur CHernishevga qarshi bahs olib boradi.