Para pauerliftingchilarimiz Jahon kubogida tengsiz bo'ldi!

Musobaqaning so'nggi kunida aralash jamoaviy bellashuvlar o'tkazildi. Quvonarlisi, Nuriddin Davlatov, Azizbek Turg'unov hamda Qudratoy Toshpo'latovadan iborat jamoamiz 314,70 ochko jamg'argan holda 1-o'rinni egalladi va delegaciyamiz hisobiga oltin medalni qo'shib qo'ydi. Aralash jamoaviy bahslarda terma jamoamizdan so'ng kuchli uchlikdan Janubiy Koreya va Tailand terma jamoalari joy oldi.

SHu tariqa O'zbekiston terma jamoasi azolari Tailanddagi Jahon kubogini 6 ta oltin, 2 ta kumush, 3 ta bronza, jami 11 ta medal bilan yakunladi va Parij-2024 yozgi Paralimpiya o'yinlari licenziyasi uchun muhim reyting ochkolariga ega bo'ldi.