Para taekvondo bo'yicha onlayn Respublika musobaqasi bo'lib o'tdi

Ana shunday musobaqalaridan biri bugun Para taekvondo bo'yicha bo'lib o'tdi. Unda Toshkent, Samarqand, Farg'ona, Buxoro, Namangan va Qashqadaryo viloyatlaridan jami 14 nafar sportchi ishtirok etdi. Erkaklar o'rtasida 10 nafar, ayollar o'rtasida esa 4 nafar para taekvondochi g'oliblik uchun kurash olib bordi.

Dastavval O'zbekiston Milliy Olimpiya qo'mitasi prezidenti Rustam SHoabdurahmonov musobaqa tashkilotchilariga o'z minnatdorchiligini bildirib, sportchilarga omad tiladi.

Bundan tashqari O'zbekiston Milliy Olimpiya qo'mitasi bosh kotibi Oybek Qosimov ham musobaqa haqida o'z fikrlarini bildirib o'tdi. SHundan so'ng bahslarga start berildi.

Qiziqarli kechgan bellashuvlarda erkaklar o'rtasida Asad Toshtemirov birinchi o'rinni qo'lga kiritgan bo'lsa, kuchli uchlikdan Zuxriddin Toxirov va Sanjar Muxtorov joy oldi. Ayollar o'rtasida esa 1-o'rin Ziyoda Isoqovaga nasib etdi. Finalda mag'lub bo'lgan Dilbar Madieva esa 2-o'rinni egalladi. 3-o'rinni Zarnigor Turdieva qo'lga kiritdi va musobaqa sovrindoriga aylandi.

Musobaqa yakunida so'z olgan bugungi bellashuvlar g'olibi, Osiyo va Jahon chempionatlari sovrindori Ziyoda Isoqova sportchilarga yaratib berilayotgan sharoitlar uchun avvalambor Muhtaram Prezidentimizga, qolaversa O'zbekiston Respublikasi Jismoniy tarbiya va sport vazirligiga, O'zbekiston Milliy Olimpiya qo'mitasiga va O'zbekiston Milliy Paralimpiya associaciyasiga o'z minnatdorchiligini bildirib, kelajakda ushbu g'amxo'rlik va etiborga munosib javob qaytarishga vada berdi.

O'zbekiston Milliy Paralimpiya associaciyasi matbuot xizmati