Paradzyudochilarimiz ilk kungi bahslarda 5 ta medal qo'lga kiritishdi, 3 tasi oltin!

Avstraliya, Xitoy, Indoneziya, Hindiston, Eron, Yaponiya, J.Koreya kabi 13 ta davlatdan tashrif buyurgan paradzyudochilar bellashayotgan ushbu musobaqada O'zbekiston paradzyudo terma jamoasi 11 kishilik tarkib bilan ishtirok etmoqda, deb xabar bermoqda Paralimpiya associaciyasm matbuot xizmati.

Dastlabki kungi bahslar o'zbekistonlik paradzyudochilar uchun omadli keldi. Xususan, Paralimpiada chempioni SHerzod Namozov -60 kilogramm vazn toifasida oltin medalni qo'lga kiritgan bo'lsa, -73 kilogramm vazn toifasida yurtimiz sharafini himoya qilgan Feruz Saidov turnirning bronza medaliga sazovor bo'ldi.

Ayollar o'rtasida Sevinch Salaeva (-52 kg) va Parvina Samandarova (-57 kg) o'z vazn toifalarida barcha raqibalarini mag'lub etib, shohsupaning eng yuqori pog'onasiga ko'tarilishdi. -75 kilogramm vazn toifasida bahs olib borgan yana bir hamyurtimiz Lobar Xurramova esa kumush medal bilan taqdirlandi.

Paradzyudo bo'yicha Osiyo va Okeaniya chempionati.

Erkaklar:

-60 kg: SHerzod Namozov – oltin medal
-73 kg: Feruz Saidov – bronza medal

Ayollar:
-52 kg: Sevinch Salaeva – oltin medal
-57 kg: Parvina Samandarova – oltin medal
-48 kg: Lobar Xurramova – kumush medal