Paradzyudochilarimizning Kozog'istondagi muvaffaqiyatli yurishi davom etadi

Qozog'istonning Atirau shahri mezbonlik qilayotgan ushbu turnirning ikkinchi kunida hamyurtlarimiz jami 6 ta medalni qo'lga kiritishdi.

Davurxon Karomatov (-81 kg), SHarif Halilov (-100 kg) hamda SHirin SHaripov (+100 kg) barcha raqiblarini mag'lubiyatga uchratgan holda, oltin medallarga sazovor bo'lishdi. -90 kg vazn toifasida finalgacha etib borgan SHuhrat Boboev, hal qiluvchi bahsda imkoniyatni boy berib qo'ydi va kumush medal bilan taqdirlandi.

Ayollar o'rtasidagi bahslarda Vasila Aliboeva (-70 kg) o'z vazn toifasida tengsiz ekanini isbotladi va oltin medalga ega chiqdi. Yana bir paradzyudochimiz Nafisa SHeripbaeva (-63 kg) esa musobaqaning kumush medali sohibasiga aylandi.

Hozircha terma jamoamiz 7 ta oltin, 3 ta kumush va 1 ta bronza medallarini qo'lga kiritgan holda, umum jamoa hisobida peshqadamlik qilmoqda.

Musobaqaning so'nggi kun bellashuvlari bo'lib o'tadi. Unda sportchilarimiz jamoaviy bahslarda ishtirok etishadi. Terma jamoamiz vakillarining dastlabki raqiblari janubiy koreyalik paradzyudochilar bo'lishadi.

Erkaklar:

-81 kg: Davurxon Karomatov – oltin medal

-100 kg: SHarif Halilov – oltin medal

+100 kg: SHirin SHaripov – oltin medal

-90 kg: SHuhrat Boboev – kumush medal

Ayollar:

-70 kg: Vasila Aliboeva – oltin medal

-63 kg: Nafisa SHeripbaeva – kumush medal