16 avg 18:10
Yangiliklar

Boks/MMA, Dzyudo, Parij-2024

Parij-2024 Olimpiadasida qahramon bo'lgan Surxon o'g'lonlari tantanali kutib olindi

Termiz shahridagi Yakkakurash turlari maktabida Parij-2024 yozgi Olimpiya o'yinlari chempioni Bahodir Jalolov hamda bronza medali sovrindori Muzaffarbek To'raboevni tantanali taqdirlash marosimi bo'lib o'tdi.

Davlat va jamoat tashkilotlari mutasaddilari, yoshlar, sportchilar, vohalik sport muxlislari ishtirok etgan tadbirda Surxondaryo viloyati hokimi Ulug'bek Qosimov chempionlikni qo'lga kiritgan bokschimiz Bahodir Jalolov hamda bronza medali sohibi, dzyudochimiz Muzaffarbek To'raboevga zarbop to'n kiydirib, voha ahli nomidan sportchilarimizni erishgan g'alabalari bilan tabrikladi.

Sportchilarimiz, ularning ota-onalari so'zga chiqib, Prezidentimizning sportga qaratayotgan etibori, Vatanimiz shuhratini nufuzli musobaqalarda keng tarannum etishga yaratilayotgan sharoitlar uchun o'z minnatdorliklarini bildirdi.