Parij-2024 volontyorlik dasturiga arizalar topshirish boshlandi

Ushbu dastur butun dunyo bo'ylab ochiq va xohlovchilar unda o'z arizalarini qoldirishlari mumkin.

Takidlash kerakki, 2024 yil 26 iyuldan 11 avgustgacha bo'lgan Olimpiya o'yinlari hamda 28 avgustdan 8 sentyabrgacha bo'lib o'tadigan Paralimpiya o'yinlari davomida jami 45 000 nafar volontyor tarixiy lahzalarni o'z ko'zlari bilan ko'rish va o'yinlarni ichkaridan his qilish imkoniyatiga ega bo'ladi.

Ushbu 45 000 nafar volontyor Franciyaning turli joylarida Olimpiya va Paralimpiya o'yinlarining barcha rasmiy maydonlarida joylashgan bo'lib, tadbirni o'tkazishning barcha sohalarida muhim rol o'ynaydi. 

Jumladan, tomoshabinlar va akkreditaciyadan o'tgan shaxslarni kutib olish va ularga yo'l ko'rsatish, sport delegaciyalariga yordam berish, hamrohlik qilish, sportchilarni musobaqalar o'tkaziladigan joylarga va matbuot anjumanlariga olib borish, akkreditaciyadan o'tgan shaxslarni tashish, vaqtni hisobga olish faoliyatini qo'llab-quvvatlash, jihozlarni taqsimlashda ishtirok etish hamda tibbiy yordam ko'rsatish va boshqalar.