17 mar 20:32
Yangiliklar

Boks/MMA

Petr Yan o'zbekistonlik Ilhom Nazimovga ertangi jangi oldidan omad tiladi

Petr Yan hamyurtimiz Ilhom Nazimovni qo'llab-quvvatladi.

Ertaga Abu-Dabi shahrida (BAA) UAE Warriors 39 musobaqasi bo'lib o'tadi.

Mazkur musobaqada yarimengil vaznda o'zbekistonlik aralash jang sanatlari vakili Ilhom Nazimov (9-2) ham oktagonga ko'tariladi. Unga qozog'istonlik Rustam Kudaybergenov (5-2) raqiblik qiladi.

Etiborlisi, ertangi jang oldidan rossiyalik UFC sobiq chempioni Petr Yan hamyurtimizga omad tilab, qo'llab-quvvatladi. Yan hamda Nazimov bir qancha yig'inlarda birgalikda ishtirok etishgan, hamyurtimiz rossiyalik jangchining sparring-sherigi hisoblanadi.

Ilhom Nazimov va Javlonbek To'xtaboev ishtirokidagi UAE Warriors 39 musobaqasi Toshkent vaqti bilan 18:00 da boshlanishi rejalashtirilgan.