PFL "Andijon" - "Navbahor" o'yinidagi holatlar yuzasidan etiroz bildirdi: Samvel Babayan reglamentni buzganlikda ayblanmoqda

Liga o'yin davomida qoidalar va reglament bandlari buzilganini qayd etdi.

Hakamlarning loqaydligi

Liga uchrashuv rasmiylaridan bo'lgan voqealar bo'yicha bildirgi kutgan edi. Biroq, komissarni hisobga olmaganda, na bosh hakam va na to'rtinchi hakam mezbonlar zaxira o'rindig'idagi holatlarni tartibga solish bo'yicha malumot kiritmagan. Faqatgina 55-daqiqada "Andijon" ustozi Samvel Babayanga etirozi uchun sariq kartochka ko'rsatilgan, xolos.

Samvel Babayanning xatti-harakatlari

Takidlanishicha, "Andijon" bosh murabbiyi texnik zona bilan bog'liq qoidalarga bepisand munosabatda bo'lgan. Babayan belgilangan chegaralarni bir necha bor kesib o'tgan va hakam qarorlariga etiroz sifatida to'pni maydonga uloqtirgan. Bu esa Tartib-intizom qo'mitasining avvalgi qarorlariga nisbatan hurmatsizlik sifatida baholanmoqda. Murabbiyning bu harakatlari futbolchilarga ham tasir qilib, maydonda asabiy holatlarni yuzaga keltirgan.

Hakamlik bo'yicha tushuntirish talab qilinadi

Liga O'zbekiston futbol hakamlari markazidan ushbu uchrashuv hakamligi bo'yicha rasmiy tushuntirish talab qiladi. PFL fikricha, bosh hakam va zaxira hakami ayrim vaziyatlarda boshqaruvni qo'ldan chiqargan va holatni tartibga solish uchun jiddiy amaliy harakatlar qilmagan.

Yakuniy xulosa

O'yinda hakamlar natijaga tasir qiluvchi qo'pol xatolarga yo'l qo'ymagan bo'lsa-da, yuqoridagi voqealar o'yin taqdirini o'zgartirib yuborishi mumkin edi. Liga uchun barcha murabbiylar maqomi teng va qoidalarga amal qilish ustuvor vazifa ekanligi yana bir bor eslatib o'tildi.