PFL Ligasi Gran-Pri formatini bekor qildi

Bu haqda Liga bosh direktori Jon Martin Ariel Xelvaniga bergan intervyusida malum qildi.

"Agar siz UFC emas, balki chellenj qilmoqchi bo'lgan brend bo'lsangiz, odamlar sizga qarab: "Nega men sizga etibor qaratishim kerak? Nimangiz o'ziga xos? Siz nimangiz bilan boshqalardan farq qilasiz? Yana bir shakl - bu berilgan savolga javob berishning oddiy usuli. "Ular shunday qilishyapti, biz boshqacha qilamiz", deyishingiz mumkin.

Men aytdim - buni soddalashtiraylik, chunki bizning jangchilarimiz etarlicha yaxshi. Jahon miqyosidagi tadbirlarni murakkablashtirmasdan o'tkazishimiz mumkin. Menimcha, jangovar sport turlarida malum sharoitlarda turli formatlar ishlashining sababi bor va hozir biz uchun ko'proq standartlarga javob berish vaqti keldi", - dedi tashkilot rahbari.

Joriy mavsumda Liga Gran-Pri formatini soddalashtirib, guruh bosqichidan voz kechdi va musobaqani darhol chorak finaldan boshladi. Bundan tashqari, g'olibning pul mukofoti ikki baravar kamaytirildi, u bir million o'rniga besh yuz ming dollarni tashkil etdi.

Sentyabr oyida tashkilot endi chempionlar o'z kamarlarini navbatdagi Gran-Pri g'olibiga topshirmasdan, unvonlarni himoya qilishlarini rasman elon qildi. SHundan so'ng, rossiyalik Usman Nurmagomedov irlandiyalik Pol Xyuz ustidan hakamlar qaroriga ko'ra g'alaba qozonib, engil vazn toifasida PFL chempioniga aylandi. Uning hamyurti Vadim Nemkov 13 dekabr kuni braziliyalik Xenan Ferreyra bilan og'ir vazn toifasida vakant bo'lgan kamarni qo'lga kiritishga urinib ko'radi.