Plessiga qarshi jangda CHimaevning burchagida kim bo'lishi malum + FOTO

Carukyan ayni paytda engil vazn toifasi reytingida ikkinchi o'rinni egallab turibdi. U Xamzatning do'sti hisoblanib, uning Drikus dyu Plessiga qarshi jangga tayyorgarlik mashg'ulotlarida ham ishtirok etgandi. 

"Men yakshanba kuni Xamzatning burchagida bo'laman. Bizning do'stligimiz realiti shousidan keyin boshlangandi. Biz u erda birga mashg'ulot o'tkazdik, do'stlashdik va keyin Elbrus hamda Kislovodskdagi mashg'ulot yig'inlariga yo'l oldik. Men uning kamar olishi uchun shu erdaman", — UFC Eurasia YouTube-kanaliga intervyu bergan Carukyan.

Malumot uchun, Xamzat CHimaev so'nggi jangini o'tgan yilning 26 oktyabr kuni Abu-Dabi shahrida tashkil etilgan UFC 308 turniri doirasida o'rta vaznda sobiq UFC chempioni, avstraliyalik Robert Uittakerga qarshi o'tkazib, birinchi raunddayoq raqibini og'ritish usuli bilan taslim etgandi. O'sha epizodda Borz Uittakerning jag'ini sindirib yuborgan edi.