27 jan 14:10
Yangiliklar

Boks/MMA

Pol Xyuz Xabibning taklifini uzoq kuttirmadi

Xabib Nurmagomedov irlandiyalik aralash yakkakurash ustasi Pol Xyuzni Dog'istonga taklif qilgandi.

"Rahmat, Xabib! Senga, jamoang va millatingga cheksiz hurmat izhor qilaman. Taklifingni bir kun qabul qilaman va undan keyin seni o'z vatanim Irlandiyaga takif etaman. Lekin bu ishlar faqat Usman bilan revansh jangimizdan keyin amalga oshadi", - dedi irlandiyalik o'zining ijtimoiy tarmoqdagi sahifasida.

Eslatib o'tamiz, Usman Nurmagomedov ikki kun avval Dubayda o'tgan PFL turnirining markaziy jangida engil vazndagi Bellator chempionlik kamarini aynan Pol Xyuzdan muvaffaqiyatli himoya qilgandi. Besh raund to'liq davom etgan jangda hakamlar 47-47, 48-46, 48-46 hisoblaridagi g'alabani Nurmagomedovga taqdim etishgandi.