Poland Open. Qurbonovda kumush, SHavkatovda bronza + FOTO

Poland Open reyting turnirida dunyoning ko'zga ko'ringan erkin, yunon-rum va ayollar kurashi vakillari ishtirok etyapti. Ular orasida yurtimiz sharafini erkin va yunon-rum kurashchilarimiz himoya qilishmoqda.  

Kecha Varshava turnirida erkin kurashchilar bahslarni boshlab berishdi. Terma jamoamiz azolaridan tajribali Rashid Qurbonov hamda Mahmud SHavkatov yakunda g'olib va sovrindorlar safidan joy olishdi. 57 kg vaznda kurashgan SHavkatov bronza, 79 kg vazn toifasida gilamga chiqqan Qurbonov kumush medalga sazovor bo'ldi. 

Qurbonov chorak finalda polshalik Mateush Kampikni 10-0, yarim finalda litvalik Vadim Babuskinni 10-0 hisobida engdi. Oltin medal uchun kechgan murosasiz bellashuvda esa slovakiyalik Axsarbek Gulaevga kichik hisobda yutqazib qo'ydi.