23 avg 08:04
Yangiliklar

Boshqalar

Polvonlarimiz tosh ko'tarish bo'yicha jahon chempionatining ilk kuni 5 ta medal qo'lga kiritishdi

Teglar : Tosh ko'tarish

Qirg'iz Respublikasining Issiqko'l shahrida tosh ko'tarish bo'yicha o'tkazilayotgan jahon chempionatining ilk kuni o'zbekistonlik sportchilar 1 tadan oltin va kumush hamda 3 ta bronza medaliga sazovorbo'lishdi.

Mahoratli sportchilarimizdan Hamidulla Saidnazarov kattalar o'rtasidagi bellashuvlarda 63 kilogramm vaznda barcha raqiblarini dog'da qoldirgan holda oltin medalga egalik qildi.

Polvonlarimizdan Oybek Elomanov 85 kilo og'irlikda kumush, Ahad Mamatov 95 kilogramm hamda Zuhirdin Avazov 85 kilogramm vaznda, Muhridan Islomov esa 78 kiloda bronza medallarini qo'lga kiritdi.

Jahon chempionatining o'smirlar o'rtasidagi musobaqalarda ishtirok etgan umidli sportchilarimizdan Radmir Asanov tomoshabinlar mehrini qozongan holda 53 kilogrammda bronza medalga egalik qilishi ortidan o'ziga xos harakatlari bilan ko'pchilikka zavq bag'ishladi.

26 avgustga qadar davom etadigan jahon chempionatida 20 ta davlatning 700 ga yaqin polvonlari qatori yurtimizning 45 nafar sportchisi turli yo'nalishdagi sovrinli o'rinlarga davogarlik qilmoqda.