29 jan 19:52
Yangiliklar

Dzyudo

Portugaliya Gran-prisi. Murodjon kamida kumush medalni naqd qildi!

Almada shahrida dzyudo bo'yicha mukofot jamg'armasi 100 000 AQSH dollarini tashkil etuvchi Portugaliya Gran-prisining ikkinchi kungi bahslari davom etmoqda.

Hozirgina -73 kg vazn toifasidagi dzyudochimiz Murodjon Yo'ldoshev yarim final bellashuvida mo'g'ulistonlik Anhzaya Lavjargalga qarshi tatamiga chiqdi va raqibini vazari bahosi evaziga mag'lubiyatga uchratdi.

Murodjon Yo'ldoshevning finaldagi raqibi Salvador Kases Roka bo'ladi. Ispaniyalik bu dzyudochi yarim finalda yana bir mo'g'ulistonlik dzyudochi Sod-Erdene Gunjinlamdan ustun keldi.

Musobaqaning kamida kumush medali naqd, lekin bizga oltin medal kerak!