Poytaxtda o'tgan xayriya marafonidan FOTOREPORTAJ

Toshkentda “Save Aral” xayriya akciyasining joriy yilgi uchinchi ommaviy yugurishi bo'lib o'tdi. Ushbu tadbir O'zbekiston Respublikasi Sportni rivojlantirish vazirligi, Milliy olimpiya qo'mitasi, Milliy paralimpiya qo'mitasi, Toshkent shahar hokimligi va «O'zbekneftgaz» AJ ko'magida O'zbekiston engil atletika federaciyasi tomonidan tashkil etildi.

SHuni takidlash kerak, “Save Aral” – “Orolni qutqaramiz” shiori ostida o'tkazilayotgan ommaviy xayriya poygasi XX asrning global ekologik ofatlaridan biri bo'lmish Orol dengizi qurishiga jamoatchilikning etiborini qaratish, barqaror va xavfsiz ekologik muhitni yaratish uchun Orolbo'yi hududini tiklash chora-tadbirlarini faollashtirish hamda aholining turli qatlamlari orasida sog'lom turmush tarzini keng targ'ib etish maqsadida tashkil etib kelinmoqda.

Yoshi va jinsidan qatiy nazar, salomatligida jiddiy muammolari bo'lmagan barcha yurtdoshlarimiz “Save Aral – 2022” poygasida qatnashishlari mumkin. SHuning uchunmi, Toshkent shahrida tashkil etilgan “Save Aral” ommaviy xayriya tadbirining uchinchi yugurishida har qachongidan ko'p, qariyb 4 ming nafar aholi vakillari qamrab olindi. Ular 3 ming metr masofani bosib o'tishdi.

Ushbu ommaviy yugurish tadbirlarida ilk marotaba matonatli va jasoratli yigit-qizlar – O'zbekiston Milliy paralimpiya qo'mitasining sportchi yoshlari ham (jami 56 nafar) o'z imkoniyatlarini sinab ko'rishdi. Har galgidek Respublika Olimpiya zaxiralari kolleji sportchi-o'quvchilari ham tadbirda faol qatnashdi, ular 350 nafarni tashkil etishdi.

Quyida “Save Aral” ommaviy xayriya tadbirining Toshkent shahar bosqichida shohsupaga ko'tarilgan sportchilar bilan tanishing:

“Save Aral-2022”, Toshkent shahar bosqichi

Erkaklar o'rtasida:

1. SHohrux Davlatov – 8:20.9;

2. Otabek Toshquvvatov – 8:33.1;

3. Evgeniy Fadeev – 8:38.3.

Ayollar o'rtasida:

1. Alina Xakimova – 10:27.3;

2. Latofat Abdumalikova – 10:40.4;

3. Anastasiya Silchenkova – 10:51.5.

Paralimpiyachilar o'rtasida

Erkaklar:

1. Maruf Murodullaev,

2. Sanat Normatov,

3. Doniyor Ahmedov.

Ayollar:

1. Yoqutxon Xolbekova,

2. Roziya Ergasheva,

3. Asila Mirzayorova.

“Eng kichik yoshli ishtirokchi” – Elbek Toshtemirov (6 yosh),

“Eng keksa ishtirokchi” – Lyubov Musina (1944 yilda tug'ilgan).

Tadbir yakunida barcha g'olib va sovrindorlar tashkilotchilar tomonidan medal, diplom va qimmatbaho estalik sovg'alari, qaysiki sog'lom turmush tarziga xizmat qiluvchi vosita – velosipedlar bilan taqdirlanishdi.

Alimurod MAMADAMINOV, o'z muxbirimiz