Poytaxtimiz badiiy gimnastika bo'yicha Jahon Kubogi bosqichiga mezbonlik qiladi

15-17 aprel kunlari Toshkent shahrida badiiy gimnastika bo'yicha Jahon kubogining uchinchi bosqichi bo'lib o'tadi. 

Musobaqada Armaniston, Avstraliya, Ozarbayjon, Bolgariya, Kolumbiya, Buyuk Britaniya, Gruziya, Germaniya, Italiya, Qozog'iston, Latviya, Yangi Zelandiya, Sloveniya, AQSH, O'zbekiston kabi 15 mamlakat vakillari ishtirok etishadi. 

Ushbu nufuzli turnirda mamlakatimiz sharafini Tokio Olimpiya o'yinlari licenzianti, Osiyo chempioni, Osiyo o'yinlari kumush medal sohibasi, Jahon kubogi bosqichlari g'olibasi, jamoa etakchisi Sabina Tashkenbaeva va Osiyo chempioni Taxmina Ikromova himoya qiladi. Ikkala gimnastikachi ham Liliya Vlasovaning shogirdi hisoblanadi. SHuningdek, guruh mashqlarida jamoamiz yangi tarkib bilan chiqish qiladi. Tarkibdan quyidagi gimnastikachilar joy olishgan: SHaxzada Ibragimova, Nargiza Jmaniyazova, Nilufar Azamova, Mumtoza Isxakzoda, Mariya Pak va Xurshida Abduraufova. Sportchilarimiz Rano Muhamedova va Nilufar SHamurodova qo'l ostida musobaqaga tayyorgarlik ko'rishmoqda.

Jahon kubogi shu yili Xitoyda bo'lib o'tadigan Osiyo o'yinlari va kuzda boshlanadigan Parij-2024 licenzion turnirlari uchun tayyorgarlikning muhim bosqichini ham o'tab beradi.

Malumot uchun, Jahon kubogining birinchi bosqichi 18-20 mart kunlari Greciyaning Afina shahrida, ikkinchi bosqich esa 8-10 aprel kunlari Bolgariyaning Sofiya shahrida bo'lib o'tdi. Navbatdagi uch bosqich Toshkent (O'zbekiston), Baku (Ozarbayjon) shaharlarida, shuningdek iyun oyi boshida Pesaro (Italiya)dagi bosqich bilan yakunlanadi.