Poytaxtimizda "Butunjahon taekvondo kuni"ga bag'ishlangan festival o'tkazildi + FOTOGALEREYA

Jumladan, poytaxtimizdagi "Universal" sport majmuasida "Butunjahon taekvondo kuni" munosabati bilan festival o'tkazildi. 

Mazkur sana munosabati bilan Toshkent shahrida o'tkazilgan festivalning ochilish marosimida O'zbekiston taekvondo WT associaciyasi bosh kotibi Murodjon Mamadaliev, mamlakatimizda xizmat ko'rsatgan murabbiy Aleksandr Kim, jahon chempioni Dmitriy SHokin so'zga chiqib, yurtimizda taekvondo WT sport turi yil sayin jadal ommalashayotgani, buning natijasida o'zbekistonlik taekvondochilar bir qator nufuzli turnirlarda g'olib va sovrindorlar qatoridan joy olayotgani, yosh sportchilarning ulkan marralarni zabt etishlari uchun davlatimiz tomonidan barcha imkoniyatlar yaratilganini takidladi. SHuningdek, festival qatnashchilarini "Butunjahon taekvondo kuni" munosabati bilan qutladi.

– "Men taekvondo WT sport turi bilan shug'ullanayotganimdan beri o'zimda ishonch, ruhan tetiklik hislarini sezmoqdaman. Sport mening hayotimning ajralmas qismiga aylangan. Hozirda Yashnabod tumanidagi "Leesteam" sport klubida shug'ullanyapman. Orzuim - jahon chempioni bo'lish. Bugungi festivalda taniqli sportchi va murabbiylarni ko'rib quvondim va ular kabi yuqori natijalarga erishishni o'z oldimga maqsad qilib qo'ydim", – dedi Zulayho Turg'unboeva. 

Ko'tarinki ruhda kechgan festivalda yosh sportchilar tomonidan ko'rgazmali chiqishlar amalga oshirildi. Festival so'nggida barcha ishtirokchilarga O'zbekiston taekvondo WT associaciyasi tomonidan esdalik sovg'alari topshilirdi.