Premer-Liga g'oliblari kelasi yili ikki barobar mukofot bilan taqdirlanishadi

Kalendar rejaga asosan joriy yilda Karate 1 Premer-Ligasining faqatgina uchta turniri, xususan, 24-26 yanvar kunlari Parijda, 14-16 fevral kunlari Dubayda va 28 fevral – 1 mart kunlari Zalcburgda o'tkazilgan edi. Koronavirus pandemiyasi sabab 13-15 mart kunlari Rabotda va 17-19 aprel kunlari Madridda bo'lib o'tishi kerak bo'lgan Premer-Liga musobaqalari bekor qilindi, 9-11 oktyabr kunlari Moskvada o'tkazilishi rejalashtirilgan turnir esa keyinroqqa qoldirildi. Endilikda 2020 va 2021 yilning ikki mavsumi birlashtirilib, 2020-2021 yilgi mavsum deb nomlanadi.

Bosh sovrin 2020-2021 yillarda Premer-Liga turnir jadvalida 12 ta kategoriya bo'yicha birinchi o'rinni egallagan ishtirokchilarga beriladi.

Bundan tashqari, WKF ikki mavsumning sovrin mablag'larini birlashtirishga qaror qildi. Kelgusida o'tkaziladigan turnirlarning yangi g'oliblari maxsus marosimda topshiriladigan kubok bilan birga ikki barobar pul mukofoti bilan taqdirlanadi. 2020-2021 yilgi mavsum g'oliblarini taqdirlash marosimi 2021 yilning 1-3 oktyabr kunlari Moskvada o'tkaziladigan musobaqa paytida yoki 2022 yilning birinchi Premer-Liga turnirida bo'lib o'tishi mumkin.

«Biz, Karate 1 Premer-Liga g'oliblarini taqdirlash marosimini 2021 yilga qoldirilishini, avvalambor, sportchilarning manfaatlarini hamda tashkilotimizning obro'sini himoya qilish uchun eng yaxshi echim deb hisoblaymiz», – deyiladi WKF rasmiy bayonotida.

Malumot uchun, avvalgi Karate 1 Premer-Liga g'oliblarini taqdirlash marosimi joriy yilning yanvar oyida Parijda o'tkazilgan turnirda tashkil etilgan edi. O'shanda g'oliblar ro'yxati quyidagicha ko'rinish olgan:

Yakka kata erkaklar: Rio Kiyuna (Yaponiya);

Kumite erkalar:

-60 kg: Darxan Asadilov (Qozog'iston);
-67 kg: Stiven Dakosta (Franciya);
-75 kg: Rafael Agaev (Ozarboyjon);
-84 kg: Ugur Aktas (Turkiya);
+84 kg: Sayad Ganjade (Eron);

Yakka kata ayollar: Sandra Sanchez (Ispaniya);

Kumite ayollar:

-50 kg: Serap Ozchelik (Turkiya);
-55 kg: Anjelika Terlyuga (Ukraina);
-61 kg: Syaoyan In (Xitoy);
-68 kg: Irina Zareckaya (Ozarboyjon);
+68 kg: Ayumi Uekusa (Yaponiya).