23 iyu 14:45
Yangiliklar

Tennis

President's Cup. Fayziev saralashning ilk bosqichidayoq yutqazdi

Qozog'istonning Astana shahrida tennis bo'yicha "CHellenjer" turnirining saralash bahslari boshlandi.

Mukofot jamg'armasi 40 ming AQSH dollarini tashkil etuvchi musobaqada uch nafar tennischimiz ham o'z imkoniyatini sinab ko'rmoqda. Afsuski, ulardan biri ilk davradayoq mag'lubiyat alamini totib ko'rdi. Sanjar Fayziev 2 soatu 3 daqiqa davom etgan bahsda rossiyalik Aleksandr Zgirovskiyga 6/4, 1/6, 2/6 hisobida yutqazib qo'ydi.

Taqqoslash uchun, Sanjar Fayziev ATP reytingida 1525, Aleksandr Zgirovskiy 652-pog'onadan joy olgan. Rossiyalik tennischi saralash turnirining uchinchi raketkasi hisoblanadi.