President's Cup. Humoyun Sultonov 1/2 finalda

Mukofot jamg'armasi 40 ming AQSH dollarini tashkil etuvchi musobaqada ikkinchi raketkamiz Humoyun Sultonov ham muvaffaqiyatli odimlayapti. Dunyoning 550-raketkasi bo'lib turgan Sultonov ikkinchi davrada turnirning to'rtinchi raketkasi, qozog'istonlik Dmitriy Popkoni musobaqadan chiqarib yuborgandi. 

Hamyurtimiz biroz avval yakuniga etgan 1/4 final uchrashuvida rossiyalik Evgeniy Filippovni uch set natijasiga ko'ra mag'lubiyatga uchratdi. Birinchi setni boy bergan Sultonov yakunda o'z irodasini namoyish eta oldi - 5/7, 6/4, 6/4. 

Taqqoslash uchun, Filippov ATP reytingida 649-pog'onadan joy olgan. Uch daqiqasi kam uch soat davom etgan bahsda ikkala tennischi ham ikkitadan eys zarbasini amalga oshirgan. Qo'shxatolar Humoyunda 5, Evgeniyda 6 tani tashkil etdi.