01 avg 13:47
Yangiliklar

Tadbirlar

Prezidentimiz suv-motor sporti bo'yicha chempionatning ochilishida ishtirok etdi

Norasmiy Maslahat uchrashuvi doirasida O'zbekiston, Qirg'iziston, Qozog'iston va Tojikiston Prezidentlari Issiqko'lda suv-motor sporti bo'yicha Qirg'iziston Gran-prisining tantanali ochilish marosimida ishtirok etdilar.

Etakchilar musobaqa ishtirokchilari va mehmonlarini qutladilar.

O'zbekiston Respublikasi Prezidenti SHavkat Mirziyoev rafiqasi bilan birga sportchilarning saralash poygasini kuzatdi.

Gran-pri Xalqaro suv-motor sporti ittifoqi shafeligida o'tkazilayotgan “suvdagi Formula-1” nomi bilan mashhur bo'lgan F1H2O jahon chempionatining ikkinchi bosqichi hisoblanadi. Musobaqalarda har yili turli mamlakatlardan professional jamoa va sportchilar ishtirok etadi. Jahon chempionati bosqichi Markaziy Osiyoda ilk bor o'tkazilmoqda.

Dasturdan mashg'ulotlar, saralash bosqichi hamda soatiga 220 kilometrdan ortiq tezlikda harakatlanuvchi tezyurar qayiqlardagi asosiy poyga o'rin olgan.